Yeah
C'mon
Nitry
Txá-me prezentá nha nóme é txintsia
Hip pop é un movimente, ami é parte dese família
El ta da lus, nha bróda, nton mi é se kria
De junte ma verdadere, one love street mafia
N prendê ke amedjer ke bo ta torná n'é uns ke uns amedjer p'es ten valor
Es ten ke stóde é nu
Munde é surde, u-ke ke bo fazê ke ta kontá
Ka bo feká mude kónde bo felisidade é ke ta kontá, yeah
Txá korasãu gió-be, má levá kabésa ma bo
Ken krê oió-be drete, ma nunka feká tras de bo
CV fudide inda stranjer ka nen entrá drete
Uns sbanjá denher inkuantu pobréza ta na géte
É rasa mau ka ta dá pa mudá, ta na raís
Ken ta pagá pau ke se for pa sábe, no ta pedí bis
É ke tónte ta dá-s é vivê oji, morrê manhan ka nada
Ma nu ta skeside dia é txeu, véspera de nada
Nese munde bo ten ke ser rápide, es ta panhá e era na mazuar
Ken dá pa dode se bake pegá-s, mãus au ar
É ataká ke soke ma bóka, kebró-be dente
Mi N ta entrá ke barra na tola, ma pa linha bo mente
N ka ta andá na linha ke N ten mede konboie
Ma N ta pô mon na lume pa tude nhas boy
"Amedjer na karre é un prige", N ta na volante
Se bo krê buleia ma mi, umildade ta pagá bo frete
Se bo ka krê dá topada, nton movê bos pédra
É prokurá ivoluí kada kéda
É fidje de mesme pai, I love all my Brothers
Txemá-me Nitry, I try to do we better
N krê ivoluí ka sentá ta sperá-l na un kadera
Valor na bolse, konhesimente é grande pa bo kartera
No ta li de pasáje nton intregá de korpe y alma
Purke makiájen forte ka ta skondê ematóma d'alma
Ka bo ser fróke, ka bo dá bróke, kontinuá mesme xei de krópe
No ta li tude junte bro, ma nãu misturóde
Bo ta li ma mi, N ta li na bo, no ta junte ma God
Dá-me mon ke nunka bo ta feká bo sô
Rap é konhesimente, ka bo dá tenpe k'é perda de tenpe
Trabói frekuente é ke pó-be pa frente, ser orgulhe pa bo jente
Rima kontajiante sarpente, N prendê feká na bónke suplente
Y antes de N abrí bóka, N tentá foi abrí nha mente
Han, one love pa tude nhas bróda kemá mi nese movimente
Edson Family, Mega Trone, Black Cinderela
Free Lady One
Yeah, Ster mami tude vês
Sonia Kc
Han, yeah, one love

